اسلام آباد 17 مارچ(اے پی پی)صدر ډاكټر عارف علوي نوې ټېكنالوجۍ څخه د استفادې كولو په حاجت زور راوړولو سره وئېلي دي د ځوانانو ذهني تجزياتي صلاحيتونه كارولو سره هېواد د پرمختګ په لاره روانېدے شي٬په هېواد كښې به د يو ډول تعليم سره په ټولنه كښې توازن رامخې ته شي۔ ده د دې خيالاتو څرګندونه د شورو په ورځ د انټرمېډېټ په امتحانونو 2020 كښې پوزېشن ترلاسه كوونكو زده كوونكو ته د ايوارډز وركولو دستورې ته خپل خطاب كښې وكړه۔ په دستوره كښې د تعليم او پېشه ورې تربيې وفاقي وزير شفقت محمود٬ د تعليم او پیشه ورې تربيې پارليماني سېكرټري وجيه اكرم ٬ د انټر بورډ كمېټۍ چيئرمېن(آئي بي سي سي) او غړو ګډون كولو۔ صدر ډاكټر عارف علوي انټرمېډېټ امتحان كښې پوزېشن ترلاسه كوونكو زده كوونكو له مباركي وركړه۔ده ووئيل دې زده كوونكو په محنت كولو د كورونا وبا باوجود دا كاميابي ترلاسه كړې۔ ده ووئيل لويو سائسندانانو د سوچ٬تجزيې او منطق د لارې كاميابۍ ترلاسه كړي۔ د ارسطو او سقراط زمانې نه د منطق تعليم وركړے كېږي۔ ده ووئيل په مصنوعي ذهانت كښې مهم پېشرفت شوے٬ د ذهني نېټ ورك د لارې د دې تجزيه كولې شي٬ انسان لپاره جسماني ورزش سره سره ذهني ورزش هم ضرورې دے۔ ده ووئيل دا د نوې ټېكنالوجۍ دور دے٬ بايد په جدت اډانه انفارمېشن ټېكنالوجۍ نه استفاده وكړې شي۔ ده ووئيل په هېواد كښې دوه كروړه ماشومان سكولونو ته نه ځي٬دا ماشومان سكولونو كښې داخلولو لپاره به بې وزله كورنيو سره د احساس پروګرام د لارې مرسته كولې شي٬د بنګله دېش پشان هېواد كښې 98 فيصده ماشومان پرائمري سكولونو ته ځي۔ ده ووئيل د انټرمېډېټ اوسنو نتيجو څخه څرګندېږي چې په دې اړه زده كوونكو ښكاره كاميابي ترلاسه كړې ۔ ده ووئيل د تعليم وزارت د ټولو اړوندو ډلو په مشاورت سره يو ډول تعليم وضعه كړے٬د يو ډول تعليم څخه توازن راپیدا كېدے شي۔صدر ووئيل د ټيچر ټريننګ پروګرام اهتمام ته پام لرنه شوې۔ ده ووئيل اصل اثاثه تيل نه بلكې تعليم او ذهانت دے٬مونږ له به د خپلو ځوانانو تعليمي صلاحيتونه رامخې ته كولو ته پام لرنه كول وي٬څو كاله وړاندې د تېلو كمپنۍ په نړۍ كښې په 10 لويو كمپنو كښې شاملې وې٬خو اوس په لويو كمپنو كښې د ګوګل او فيس بك پشان ذهني او ټېكنالوجي كارونكي كمپنۍ شاملې دي٬يو څو كسان د ټېكنالوجۍ د لارې انقلاب راوستلے شي۔ده ووئيل آرټس او سائنس دواړو څانګو ته پام كول پكار دي٬يو ډول تعليمي نصاب څخه به څو كلونو كښې قام بدل شي٬ د محنت سره ټولنه پرمختګ كوي٬د غربت خاتمې سره به د نوې پاكستان جوړېدل ممكن شي٬د غربت خاتمې لپاره د روغتيا او تعليم څانګو ته به پام كول وي۔ ده په ځوانانو زور راوړو چې هغوي د بې ايمانۍ څخه لرې پاتې شي او حلال رزق وګټي۔ دستورې ته د تعليم او پېشه وره تربيې وفاقي وزير شفقت محمود هم وېنا وكړه۔په دې موقع صدر ډاكټر عارف علوي پوزېشن ترلاسه كوونكو زده كوونكو ته ايوارډونه وركړل۔
د ځوانانو ذهني تجزياتي صلاحيتونه كارولو سره هېواد د پرمختګ په لاره روانېدے شي٬په هېواد كښې به د يو ډول تعليم سره په ټولنه كښې توازن راشي ۔ صدر ډاكټر عارف علوي
مضمون کا ماخذ : میگا ملینز کا انعام
متعلقہ مضامین
